عيون معصوبة بقلم ډفنا عمر
المحتويات
وفراخ وخضار حتى الفاكهة امك مش نسيت تعملهالك
ثم التقط كيس مانجو كبير مجمد دون استأذان قائلة
والله امك دي بنت حلال نفسي كانت هفاني علي المانجة هاتي شنطة اما احطها فيها احسن ايدي اتجمدت
شعرت رضوي أنها ستتحول لقنبلة ټنفجر بها لكنها ذكرت الله في سرها لتتحمل هذا الانتهاك لخصوصياتها وأغراضها المستباحة بشكل لم تعتاده من قبل ولا تهضمه مطلقا وراحت تحضر لها حقيبة بلاستيك لتضع بها كيس الفاكهة وقالت خير ياحماتي ماقولتيش طالعة بدري ليه كنتي عايزة حاجة
يوه ده انا نسيت صحيح خطيب بنتي رندا جاي انهاردة عشان هنحدد يوم الفرح لأنه عايز يتجوز أول شعبان وأطلقت ضحكة مستطردة الجدع ياعيني مش صابر لبعد العيد المهم كنت عايزة مضرب البيض بتاعك وقالب كيك حلو كده من اللي عندك يشرفنا
أشتعلت دمائها حنقا وكادت تصرخ عليها لولا أن حاولت استجلاب البرود وهي تقول طب وبالنسبة لصواني التيفال اللي اخدتيها من مطبخي قصرت معاكم في حاجة
أسفة
يعني ايه
يعني دي حاجتي وانا هستخدمها انهاردة وهعمل لبناتي كيك عندك حاجة بنتك تحت طلعي منها
عايزاني افتح جهاز بنتي اللي لسه هتتجوز ونسايبها ياكلوا وشنا ويقولوا جايبين للبت الحيلة حاجات مستعملة
أمال يعني تاخدوا حاجتي الجديدة وكمان مش بترجع وعايزاني اسكت الأسعار بقيت ڼار وأنا مش هعرف اعوض اللي راح ويدوب هستر بيتي باللي عندي يعني من هنا ورايح ياحماتي ما تعتمديش تاخدي من شقتي قشاية طول منا موجودة
أنتي بټهدديني يا مرات ابني يا متربية
أنتي عارفة كويس اني متربية وإلا ماكنتيش أخدتيني لابنك والحق مايزعلش ولعلمك بقي انا مش مسامحة في اللي اخدتي من شقتي انتي وبنتك ويوم القيامة كله هيتحاسب
دبت علي صدرها بزعر يا نهارك مش فايت! هي حصلت كمان تدعي عليا أنا وبنتي يا رضوي طب وديني ما هسكت وليكي راجل يترد عليه
أنا مغلطش ده حقي وحاجتي مش هتخرج من بيتي تاني
هبطت الدرج تهمهم بسخط وهي تتوعدها فأغلقت رضوى خلفها البابدون اعتراض لا والله لن يهنأ أحدا بأشيائها بعد الآن استغفرت ربها ونفضت عنها كل هذا واندست بين صغارها تكمل
نومتها بهدوء غير مكترثة لشيء
انتي بتطردي ماما من شقتنا يا
رضوى!
هاجمها فور أن استقبلت صوته عبر الهاتف فقالت مدافعة مستحيل اعمل كده كل الحكاية انها طلبت تاخد مضرب البيض بتاعي وأنا رفضت وأظن ده حقي يا يونس بعد ما جيت لقيت بيتي ومطبخي كمان ناقص بدون عملي
ياستي اديهولها وأنا هجيبلك غيروا بس ماتكسفيهاش كده وتزعليها منك
والله أنا حاجتي خلاص عندي ليه اروح اشتري جديد والأسعار بقيت الضعف وأكتر وبعدين هو ده للأسف منطق والدتك يا يونس بتقول لنفسها اخد منها اللي يعجبني وابني يجيبلها مكانه وده ما اسموش غير استغلال وطمع
أخرسي يا رضوي ما اسمحلكيش تتكلمي كده علي ماما وتقولي طماعة
صمتت ناكسة رأسها ثم قالت بأسف أنا مقصدش يا يونس اغلط فيها بس بجد انا مش قادرة انسي الي حصل لما جيت وحزينة على حاجتي اللي اتاخدت مني وكمان طالعة تكمل على اللي فاضل
قولتلك هنجيب غيرها
هزت رأسها بيأس يا خسارة انت مش فاهمني ولا شايف حقيقة اللي بيحصل حواليك فوق يا يونس ومتخليش حد يستغلك كده في فرق بين الطيبة والاستغلال
رضوى أخر مرة هسمحلك تتكلمي كده عن أهلي وبعد كده لو أمي طلبت حاجة اديها وانا ملزم أجيب غيرها فاهمة
لم تجيبه حتى لا تسوء الأمور بعنادها فاستطرد هاتي البنات اسلم عليهم
صاحت عليهم ثم تركتهم يحدثوه وداخلها تخاف القادم من أهل زوجها فإن كانت تلك البداية كيف سينتهي الأمر
ماما يا ست الكل عملتي ايه في موضوعي طلبتي من يونس اخويا فلوس عشان اوضب شقتي
يابني اصبر علي نخلص من فرح اختك ماهو بعتلي فلوس عشانها ازاي اقوله عليك انت كمان الرحمة حلوة برضو
يا ماما و هيجري ايه لو كنتي كلمتيه عليه بس
يوووه يا وائل قلت اصبر انا في دماغي فكرة
هساعدك بيها من غير ما اطلب من اخوك حاجة
ازاي بقي افهم
لا مش لازم تفهم انت ركز في شغلك واعقل كده وربنا يسهلها ان شاء الله سنة بكتيره وهتكون محصل اختك ومتجوز
يسمع منك ربنا يا امي
روح بقي شوف حالك
جاء يوم زفاف رندا شقيقة يونس وتمت الليلة علي خير ولم ترتاح رضوي التي قامت معهم بكل شيء تنطيف وفرش شقة العروس وتجهيز طعام العرسان حتي نفذت قواها ولم تعد قادرة علي شيء فذهبت تقضي يومان وسط والديها وشقيقها الذي أتاها بأسرته هو الأخر
صباح الخير يا ماما عاملة ايه يا غالية وأخبار عروستنا ايه اطمنتي عليها
الحمد لله يا حبيبي
اختك زي الفل ومتهنية وبتدعيلك
علي المبلغ اللي بعته نقطة ليها
عيب يا ماما دي اختي وبنتي كمان طيب وانتي لسه ضغطك عالي من بعد الفرح
لا يا ابني بقيت أحسن علي علاج الدكتور الجديد بس ابن اللذينا كشفه غالي وصرفت كل الفلوس اللي بعتهالي
ولا يهمك يا أمي هزودلك الشهرية المرة الجاية وهبعتها مع شهرية مراتي وهوصي رضوي توصلها لحد عندك
طب وليه يا ابني مش كنت متعود تبعتلي طول الفترة اللي فاتت وانا بسد كل الفواتير مية ونور وتليفون وكل حاجة
ده لما كانت مراتي وبناتي هنا معايا انما خلاص هي هناك وقلت هي بقي تدفع الفواتير وتعمل كل حاجة عشان انتي ماتتعبيش قلت اريحك يعني
عندك واتركنت علي الرف خلاص
ازاي يا أمي ده انتي على راسي من فوق خلاص ولا يهمك كل شهر هبعت الفلوس ليكي وانتي اتصرفي راضية عني يا أمي
قلبي وربي راضين عنك يا يونس يا ابن بطني إلهي يرزقك ويطول في عمرك ويسلمك من كل شړ
الله يا أمي دعواتك دي بالدنيا عندي أنا عايش ببركة دعاكي وبس
داعيالك يا ابني كل أذان ربنا يرجعك من غربتك سالم غانم قادر ياكريم
النقود معها اقتربت أن تنفذ وزوجها لم يرسل شهريتها كما اتفقا كلما حاولت تذكيره تنسى اليوم ستذكره بها وهي تهاتفه ليلا گ المعتاد
عبر الهاتف
الفلوس اللي نزلت بيها قربت تخلص يا يونس هتبعتلي شهريتي امتى
منا بعتها من كان يوم يا رضوي هي ماما مش قالتلك
بعتها ازاي وإيه علاقة والدتك بالموضوع مش اتفقنا انك هتبعتلي كل شهر وانا اللي هوصل فلوس مامتك واتصرف في الباقي
كنت ناوي علي كده الله بس شكل امي بقيت حساسة اوي افتكرتني خلاص بلغيها وزعلت اني مش هبعتلها هي فقلت اراضيها والمصلحة واحدة ولما هي تاخد الفلوس توصلك المبلغ اللي يخصك انتي والبنات
وفين بقي المبلغ وبعدين انا مش موافقة فلوسي تكون مع والدتك يا يونس دي
أمور خاصة بعتلي قرش بعتلي عشرة ده بنا ومحدش من حقه يعرفه
انتي
مكبرة الحكاية ليه بس مش فاهم ما قولت امي هتديكي
وما ادتنيش ليه لحد دلوقت كانت منتظرة ايه
عادي يمكن نسيت جلا من لا يسهو يا ستي
مسحت علي وجهها مستغفرة ثم قالت طب بعتلي كام وانا هنزل اخدهم منها
بعتلك خمس تلاف جنية اعتقد يكفوا ماتخليش البنات محتاجة حاجة
حاضر ماتقلقش
انهت المكالمة معه وهبطت إليها لتطالب بنقودها لكن الغريب أنها راوغتها وأخبرتها أنها ستحضر لها النقود في الصباح لأنها نسيت أين احتفظت بهم
لم تصدقها رضوي وشعرت بالريبة ومع هذا انتظرت أن ترى على ماذا سيرسو إليه الأمر فالصباح ليس ببعيد
وجدتها تطرق بابها في الصباح حاملة معها حقيبة كبيرة تحوي بعض الخضار والبقولات والأرز وأكياس مكرونة منوعة الأحجام ودجاجتين وكيسان من اللحم المقطع
نظرت رضوي لما وضعته أمامها هاتفة بدهشة
ايه ده ياحماتي اللي انتي جايباه مش فاهمة
مش فاهمة ايه حبة خضار ونواشف علي فرختين واتنين كيلو لحمة لوازم الشهر ثم وضعت براحتها ورقات نقدية قائلة ودول 500 جنيه عشان لما تعوزي تشحني انتي وبناتك
مازالت رضوي لم تستوعب فتساءلت لوازم شهر ايه و 500 جنيه بتوع ايه!
هتفت بضجر يوه انتي اللي طالع عليكي ايه ايه دول خزين مطبخك وتلاجتك وقرشين تشحني بيهم الموبايلات بتاعتك انتي وبناتك
حاولت أن تحافظ علي تعقلها وهي تقول بهدوء زائف أنا جوزي باعتلي 5000جنية هما فين
خمس ايه يا عين امك ليه عشان تصرفي علي مكياجك ولبسك والحاجات الفاضية اللي بناتك بتشتريها لا يا نين عيني أنا شقي ابني مش هيروح على الفاضي ده ظروفه صعبة ولازم يلم نفسه
ثم حذرتها بوجه شيطاني وإياكي تروحي تشتكيني عنده يمين بالله هقلب الدنيا عليكي واقول انك بتفتري عليا وفي الأخر هيصدق
رمقتها بجمود بائس وهي تعرف صحة ما تقول يونس لا ېكذب والدته قط وېخاف ڠضبها أكثر من أي شيء أخر للأسف كفة صدقها خاسرة أمام حديثها الكاذب
راحت ترمق الأشياء التي أحضرتها بشرود ثم اتخذت قرار ربما يكلفها الكثير من أعصابها ويستنفذ صبرها وسلامها النفسي لكنه معركتها الأخيرة إما ربحتها أو خسړت كل شيء
عملتي ايه يا أمي قولتي لاخويا يونس يبعتلي مبلغ اوضب شقتي حمايا عمايل ينغزني بالكلام في جنابي كل اما ازورهم
اصبر قريب اوي هتاخد مبلغ حلو في ايدك
صاح بفرحة يعني اخويا هيتعتلي
لا أخوك مايعرفش حاجة أنا اتصرفت في جمعية بألفين جنية في الشهر هقبضها أربعة وعشرين ألف علي المبلغ اللي انا مدكناه علي جمب تلم بيهم شقتك وعفشك وتتجوز
قبل رأسها مهللا ربنا يخليكي ليا يا أمي بس ازاي قدرتي تدخلي جمعية بألفين جنية مرة واحدة واخويا مش هو اللي بيبعتلك فلوسها
غامت عيناها هامسة أتصرفت
مضت الأيام ثقيلة وهي گ قنبلة موقوتة تنتظر الانفجار فى اى لحظة كلما بصرت شحوبها هي وبناتها تتحصر حالهم لم يعد متاحا لهم الكثير من الأمور لا نزهات لا زيارات تستلزم نقود أضافية كما تجنبت الذهاب لبيت والديها كما جعلتهما لا يزورها بحجج كثيرة تدبر حالها بالقليل التي تحضره والدة زوجها كل شهر مع مبلغ الخمسمائة جنية
أبرار ماما أحنا ليه مش بنخرج زي ما كنا مع بابا
حفصة والأكل قليل اوي ومافيش
فاكهة وحلويات وبيتزاهت وشيكولاتات من اللي بنحبها بابا كان بيجيب حاجات كتير حلوة
رهف وكمان أنا وحفصة نفسنا ناكل كنتاكي في المطعم زي ما كنا مع بابا
معلش يا بنات استحملوا شوية بابا هايجي قريب وهو هيجيبلكم كل حاجة نفسكم فيها
حفصة طب رمضان قرب هتجيبلنا فوانيس زي ولاد وبنات عمي
تنهدت وقالت إن شاء الله هجيبلكم يلا عشان تتعشوا وتناموا
أبرار طب ما ينفعش تعملي لينا بيتزا يا ماما
مكوناتها مش موجودة ياحبيبتي معلش هانت وهعوضكم كل ده
صنعت لهما أجزاء من الخبر البلدي ويكسو محياها جمود عجيب لو رآه أحدهم لعلم أن عاصفة وشيكة ستقلب الأجواء
وشيكة جدا
صاحت الصغيرة حفصة بحزن الفانوس ده وحش يا تيتة مش بيغني اغاني رمضان انا عايزة واحد تاني
قالت بجفاء بلاها دلع ماسخ اهو فانوس وخلاص ولا ان ماكنتش الحاجة غالية ما ترتاحوش يا بنات يونس
أبرار بجدال لأنها أكبرهم وفيها ايه يا تيتة لو جبتي لينا الفوانيس اللي تعجبنا طب خلي ماما هي اللي تشتري هي عارفة بنحب ايه
أنا اشتريت فوانيس واتفضينا مش هنشتري حاجة تاني ونغرم فلوس علي الفاضي
نكسوا الصغار رؤسهم بينما لمعت عين أكبرهم بضيق كانت تظن جدتها ستكون أكثر حنان وحب معهم لكنها لا تحبهم فقط تحب ابناء وبنات عمها الأخر لا تحبهم ليتهم ما عادوا هنا وتركوا أبيهم
نظرت لوالدتها ولأول مرة تفهم وتعي ما تعاني منه
كأنها نضجت سنوات تفيض عن عمرها الحقيقي
أقبل شهر رمضان المبارك والحال كما هو لا جديد غير أن بالون الڠضب المكتوم داخلها يكبر
ويتضخم لكنها تتصبر بأن الڤرج قريب
رهف ماتيجوا نحكي لبابا اللي بيحصل معانا من تيتة وازاي ماما
زعلانة وبتعيط
حفصة بس ماما علمتنا ما نقولش لبابا حاجات تزعله أبدا في التليفون
أبرار أيوة ده الصح عشان مش يزعل وهو لوحده
رهف بس تيتة مش بتحبنا
حفصة بتعب ولاد وبنات عمنا التانيين
أبرار ماتزعلوش يابنات أهم حاجة ماما وبابا بيحبونا يلا بقى ننام عشان سهرنا أوي
تلحفوا بالحزن غافلين عن من تقبع بمفردها تشكوا حالها لله وتتحمل لتصل لبغيتها فإما أسقطت الغمامة التي تغشي عيناه
وإما أنتهت رحلتها معه
إلى الآبد
نوفيلا عيون معصوبة
بقلم ډفنا عمر
الحلقة الثالثة
ذراعيها النحيفة تتشابك حول ركبتيها الأشد نحولا
وجهها الشاحب المنحوت بالقهر تتوسطه عينان شاخصتان تبصر بهما الفراغ أمامها ورأسها تتزاحم به الأفكار القاتمة تتسائل بصوت العقل الهامس هل ستربح معركتها مع غفلته المظلمة وتجتذبه لفضاء بصيرة ضاوية لا يريد يونس إدراكها مكتفيا بطاعة عمياء تعصب عيناه عن حقيقة ما تكابده
الإجابة ظلت مبهمة لديها وتعاقبت أيام الشهر الفضيل واقتربت من ثلثها الأخير والانتظار مازال قائما ليدوي رنين الهاتف مخترقا سكونها وزوجها يحدثها عبر الهاتف ايه أخبارك يا رضوي والبنات كويسين
عايشين
جاء صوتها فاتر لينعقد حاجباه بقلق
عايشين انتي بتتكلمي كده ليه هو في حاجة حاصلة معرفهاش ولا لسه زعلانة عشان موضوع الفلوس اللي ببعتها لأمي
أنده علي البنات عشان تكلمهم
مازال صوتها يكتسي ببرود ثلج لا يذوب فيهدر عليها
رضوى مالك!! لحد امتي هتعامليني بالبرود ده كل اما اكلمك تنادي البنات وتختفي وماتكلمنيش انتي ماقولتليش ليا كلمة حلوة من وقت ما نزلتي
يابنات تعالو بابا عايزكم على التليفون
هكذا صاحت على صغارها متجاهلة عتابه ليزداد حنقه وتشابك حاجبيه بحيرة وضيق من حالها الغير مفهوم
بابا حبيبي وحشتيني جاي امتي
ابتسم رغما عنه لصغيرته قريب يا حفصة عاملة ايه يا روح بابا وفين اخواتك
كويسة استني هناديهم ونتصل بحضرتك كاميرا بقالك كتير مش شوفتنا
بعد قليل اتصلوا عليه بمكالمة فيديو وما ان أبصرهم حتي تعجب شحوبهم ونحافتهم خاصة الصغيرة حفصة التي فقدت الكثير من وزنها ألا يأكلون
خاسين ليه كده يا حبايبي شكلكم بتغلبو ماما في السحور والفطار زي عوايدكم بس ده صيام لازم تاكلوا كويس
أبرار ابدا يا بابا والله بس زهقنا من الفول والطعمية والجبنة القريش نفسنا في بيتزا وكنتاكي وحاجات كتير ماما مش بتجيبها
رهف هو ماينفعش نرجع نعيش معاك تاني يا بابا محدش هنا بيسأل علينا ولا عمو حسان ولاعمو وائل كمان في حاجات زعلانين منها بس خايفين نقولك تزعل وماما قالت لينا مش نقولك كلام يزعلك
تدخلت حفصة تضيف رتوش جديد لصورة الحقيقة الغائبة عن أبيها بس لازم تعرف يا بابا إن تيتة مش بتحبنا زي ولاد وبنات عمنا اشترت لينا فوانيس وحشة اوي مش بتغني بس جدو صلاح ابو
ماما هو اللي جابلنا فوانيس جميلة أوي
رهف وكمان ماما قالت مش هنجيب لبس عيد عشان مفيش فلوس أول مرة يا بابا نعيد من غير هدوم جديدة أنا واخواتي
جحظت عيناه ولا
يصدق ما يسمعه من ألسنة الصغار !
ما الذي يحدث كيف لا يسأل عنهم أحد
أين شقيقاه حسان ووائل ولما يشكون من والدته
أيعقل ألا تحبهم كما يقولون
ولما لا تلبي رضوي لهم احتياجاتهم كاملة وهو يرسل لها مبلغا كافيا ويفيض وهو يعلم هذا
هاتو ماما اكلمها وسيبونا لوحدنا شوية
قالها بتجهم فابتعدوا وأتت تجيبه ببرود نعم
ايه اللي انا سمعته ده
اللي هو ايه
جز علي أسنانه رضوي ماتعصبنيش وتردي سؤالي بسؤال البنات بتقولي كلام غريب عن ماما انها مش بتحبهم وليه مش بتشتري ليهم اللي نفسهم فيه ومخلية شكلهم كأنهم جعانين حتى انتي نفسك وشك غريب وليه كمان مش هتجيبي لبس العيد للبنات ايه اللي حاصل معاكم فهميني
أسأل الأسئلة دي لمامتك اللي بعتلها فلوسنا وخليتها تتحكم فينا والنتيجة
اهي قدامك
تاااني يا رضوي تاني
ماما مالها بيكم
الفلوس بتوصلكم وانتي اللي بتصرفي
تهكمت بقولها
أنا اللي بصرف محصلش سعادتك أكتر من 500 جنية مش بمسك في أيدي وكتر خيرها أمك بتجبلنا حبة بطاطس وبصل علي كيسين رز ومكرونة وفرختين وشوية لحمة مش بيكفوا غير تلات أيام في الشهر كله
انتي بهزري صح
لو شايف اني بهزر يبقي بهزر يا يونس
مسح علي وجهه ليخفف من ثورته واشتعاله ثم قال رضوي حبيبتي انا ببعتلك 5000 جنيه وماما كل شهر بتوصلهم ليكي هي بتأكدلي ده
وأنا بقولك محصلش امك بتديني 500 جنيه وبتاخد الباقي ليها بتسرقك وحارمة بناتك من خيرك وانت حي على وش الدنيا يا يونس
أخرسي أمي مستحيل تعمل كده انتي كدابة
طالت نظرتها العاتبة البائسة إليه ثم أغلقت المكالمة والهاتف بأكمله وراحت غرفتها تجلس بشرود كما كانت
وعداد صبرها تتقلص أرقامه
النهاية أتية
وهي تنتظر ما سيؤل إليه الحال
حمم تفور وتكاد تسيل من رأسه بعد ما قالته زوجته
أمعقول والدته تسرق قوت صغاره وتحرمهم من خيره كما قالت رضوي هل تخدعه وتكذب عليه
لما تفعل هذا وهو ابنها وحبيبها
كما تسميه
لا
امسك هاتفه وحاول الاتصال علي زوجته ثانيا فلم تجيب وبدون تردد ضغط رقم
والدته منتظرا سماع صوتها
حبيب امك عامل ايه يا غالي
الحمد لله يا ماما
متابعة القراءة
